Vesturlandsskógar   |   Eyðublöð og ítarefni   |  Fréttir   |   Myndir   |   Starfsfólk

26.8.2010
 

Grænni skógar, námskeið 11- 12. júní.

15.6.2010
Námskeiðið sjúkdómar og tjón í skógi var haldið á Hvanneyri og í Skorradal 11.-12. júní. Námskeiðið er hluti af námskeiðaröðinni Grænni skógar 1 og voru þátttakendur frá Vesturlandsskógum og Suðurlandsskógum.  Leiðbeinendur voru Guðmundur Halldórsson og Halldór Sverrisson.

Gróðursetningar ganga vel
9.6.2010
Flestar plöntur bárust tímalega í vor frá plöntuframleiðendum og hafa bændur verið á fullu að gróðusetja undanfarnar vikur þó margir hafi dokað við vegna þurrka. Í dag er væta og því ætti vera góð skilyrði til gróðursetningar um helgina. Von er á fleiri plöntum í dag og ættu því flestar plöntur að vera komnar á dreifingastöðvarnar nú um helgina.  Áætlað er gróðursetja um 470 þúsund plöntur á svæði Vesturlandsskóga  í sumar og haust, sem er nokkru meira en á árinu 2009. GS

Bjarni Guðmundsson, LBHÍ

Gróðursetninga og skjólbelta áform fyrir sumarið 2010

1.03.2010

Frestur til að skila inn áætlunum á fyrirhuguðum gróðursetningum og skjólbeltagerð í sumar er 15. mars. Sendið okkur áætlun þar sem kemur fram: í hvaða reiti í áætlun á að gróðursetja í, hvaða tegundir og magn. Sendið þessar upplýsingar á vestskogar@vestskogar.is eða í faxi 433-7055.

Bestu kveðjur Guðmundur og Sigvaldi

Fagráðstefna skógræktar 2010

 Þér er hér með boðið að taka þátt í Fagráðstefnu skógræktar 2010, sem haldin verður á Hótel Stykkishólmi dagana 24.-26. mars, n.k.

 Ráðstefnan er árleg - og hefð er fyrir því að hún flakkar réttsælis um landið og er alltaf haldin á nýjum og nýjum stöðum. Að þessu sinni verður hún sem sagt í Stykkishólmi.  Skipuleggjendur eru:

• Vesturlandsskógar: Sigvaldi Ásgeirsson og Guðmundur Sigurðsson,
• Rannsóknastöð skógræktar á Mógilsá: Aðalsteinn Sigurgeirsson og Ólafur Eggertsson,
• Skógræktarfélag Íslands: Brynjólfur Jónsson og Einar Gunnarsson,
• Landssamtök íslenskra skógareigenda: Björn B. Jónsson,
• Landbúnaðarháskóli Íslands: Bjarni D. Sigurðsson.

 Ráðstefnan hefst með því, að ráðstefnugögn verða afhent kl. 18:00 til 20:00 miðvikudaginn 24. mars á Hótel Stykkishólmi. Við náðum góðum samningi við hótelið, svo verð á mat og gistingu er afar hagstætt. Því hvetjum við alla, sem vettlingi geta valdið, til að mæta strax á umræddum tíma á miðvikudeginum, ef þeir eiga heimangengt og nota kvöldið til að rækta tengslin við aðra skógarmenn. Reiddur verður fram kvöldverður kl. 20:00 á miðvikudagskvöldið. Dagskrá ráðstefnunnar hefst kl. 9:00 á fimmtudeginum, þannig að eigi menn ekki um þeim mun skemmri veg að sækja, kemur sér vel að geta mætt strax kvöldið áður.

 Skráning og tillögur að erindum

Skráning á ráðstefnuna fer fram til 15. mars í tölvupóst gudmundur@vestskogar.is eða í síma 433-7054 (Guðmundur Sigurðsson).

Skipulagsnefnd óskar jafnframt eftir erindum (15+5 mín) og veggspjöldum á fagfundinn á föstu-deginum. Áhugasamir sendi tillögur á gudmundur@vestskogar.is eða annarra fulltrúa í skipulags-nefnd fyrir 5. mars n.k. Viðkomandi verða látnir vita fyrir 15. mars hvort þeir fá úthlutað erindi eða veggspjaldi.

Kostnaður:

Ráðstefnugjald: 8.000.-

Gisting og matur: 22.000.-

Innifalið í ráðstefnugjaldi eru ráðstefnugögn, skoðunarferð í Sauraskóg ofl.

Innifalið í gjaldi fyrir gistingu og mat er: Gisting í tvær nætur á tveggja manna herbergi á hótel Stykkishólmi, tveir kvöldverðir, þ.a. einn hátíðarkvöldverður, tveir hádegisverðir og morgunmatur á fimmtudags- og föstudagsmorgni. Kjósi menn að vera á einsmannsherbergi hækkar hótelpakkinn í kr. 27.000.

Ráðstefnuhaldarar innheimta bæði gjöldin og eiga menn að snúa sér til Guðmundar Sigurðssonar hjá Vesturlandsskógum varðandi uppgjör, annaðhvort á miðvikudagskvöld milli kl. 18:00 og 20:00 á Hótel Stykkishólmi, eða með því að hringja í hann í síma 433-7054 eða senda honum tölvupóst. Þess má geta, að bankareikningur ráðstefnunnar er: 326-13-300162 og kennitalan er sú sama og kennitala Vesturlandsskóga: 520400-4430. Best væri, að menn greiddu beint inná þennan reikning umrædd gjöld. kemst á endanlegt form.

 Fagráðstefnan er tveir heilir dagar 25.-26. mars með mætingu á Hótel Stykkishólm kvöldið áður (24. mars). Að venju skiptist hún í þemadag (25/3) og almennan fagfund (26/3). Að þessu sinni fjallar þemadagurinn um „Sóknaráætlun í skógrækt: íslensk skógrækt í evrópsku og alþjóðlegu umhverfi“og munu væntanlega þrír erlendir fyrirlesarar fjalla þar um stöðu mála í Noregi og í Evrópu almennt. Þeir eru: Johan C. Løken, skógareigandi, skógfræðingur og þingmaður á norska Stórþinginu, formaður stjórnar Skógræktarfélags Noregs og fyrrum landbúnaðarráðherra Noregs; Nils Bøhn, skógfræðingur og kynningarstjóri Skógareigendasambands Noregs og Morten Thorøe, framkvæmdastjóri samtaka evrópskra skógareigenda (http://www.cepf-eu.org/).

Talsverð áhersla mun væntanlega verða á hlutverk skógræktar til viðnáms gegn hlýnun andrúms-loftsins, enda ekki síst á því sviði þar sem sóknarfæri gefast á næstu árum, þar sem niðurskurður ríkisútgjalda verður eflaust að öðru leyti hamlandi.

19.10.2009
Myndarlegt lerki á Hamri í Þverárhlíð
Á ferð minni um Þverárhlíð í haust varð ég var góðan vöxt í lerki á skógræktarjörðinni Hamri, um er að ræða rússalerki sem gróðursett var sumarið 2004. GS.

19.10.2009
Grisjun og vinnsla viðar í Skorradal.
Í sumar og haust hafa starfsmenn Skógræktar ríkisins á Vesturlandi verið að vinna grisjunarvið úr Stálpastaðaskógi og á meðfylgjandi mynd má sjá  timburstafla úr sitkagreni sem unnin hefur verið í stórviðarsöginni.
GS

15.10.2009
Jón Bjarnason, ráðherra, í heimsókn.
Þann 10 september sl. heimsótti Jón Bjarnason sjávarútvegs- og landsbúnaðarráðherra Vesturlandsskóga ásamt Jóni Birgi Jónssyni sem er formaður vinnuhóps um endurskoðun landshlutaverkefnanna og Jóhanni Guðmundssyni aðstoðarmanni ráðherra. Tilgangur ferðarinnar var að kynnast starfsemi Vesturlandsskóga og hitta skógarbændur. Eftirtaldir staðir voru heimsóttir: Ytri Skeljabrekka, Hvanneyri, Tungufell, Oddsstaðir, Reykholt, Steindórsstaðir og í lokin var komið við í Skorradal þar var  skoðuð grisjum og vinnsla viðar.
GS

 Guðfinna Guðnadóttir, Jón Bjarnason, Þórarinn Skúlason, Sigvaldi  Ásgeirsson og Jón Birgir Jónsson skoða skógrækt á Steindórsstöðum í Reykholtsdal.

15.10.2009
Grænni skógar I og II á Vesturlandi
Farið var á stað með námskeiðaröðina Grænni skógar I á vegum Lbhí, Vesturlandsskóga og Suðurlandsskóga sl. vor, þá voru haldin tvö námskeið. Þriðja námskeiðið var  haldið 9.- 10. okt. á Hvanneyri um trjátegundir og næsta námskeið verður á Reykjum 23.-24 okt. um skógarnytjar.
Ef næg þátttaka næst er fyrirhugað að fara á stað með Grænni skóga II námskeið  nú í haust og yrðið það með Suðurlandsskógum. Áhugasamir geta haft samband við Guðmund hjá Vesturlandsskógum netfangið gudmundur@vestskogar.is sími 433 7054.
GS

Framkvæmdir á árinu 2009

Ágæti skógarbóndi.
Eðlilega ríkir óvissa meðal skógarbænda vegna frétta, sem borist hafa um mikinn niðurskurð á framlögum til skógræktarverkefnanna. Á síðasta ári varð mikill niðurskurður á framlögum til skógræktar á vegum Vesturlandsskóga. Horfur eru á, að framlög til framkvæmda þessa árs verði ekki miklu minni en framlög vegna framkvæmda síðastliðins árs, þegar alls voru gróðursettar 315.000 plöntur á svæðinu með tilstyrk Vesturlandsskóga, auk þess sem nokkrir bændur keyptu plöntur aukalega og gróðursettu á eigin kostnað. Menn ættu því að sækja um fyrir 1. mars eins og venjulega og gera ráð fyrir ekki lakari viðurgjörningi en í fyrra. Þeir sem vilja verulega aukningu og hafa ráð á því, gætu fengið keyptar plöntur frá þeim, sem eru að framleiða plöntur fyrir Vesturlandsskóga og myndu þá þurfa að gróðursetja þær plöntur á eigin kostnað. Er það von mín, að ekki þurfi að fleygja neinum plöntum, af þeim sem við höfum pantað, enda hafa plöntuframleiðendur fengið frjálsar hendur með að selja plöntur til gesta og gangandi af þeim birgðum, sem okkur eru ætlaðar á þessu ári, enda birgðirnar talsvert meiri en sá plöntufjöldi, sem Vesturlandsskógar geta keypt og kostað gróðursetningu á.
Þeir sem ætla að rækta skjólbelti, þurfa að hafa lokið undirbúningi á sl. hausti með plægingu og tætingu, svo ekki þurfi að gera annað en í mesta lagi að plastleggja í vor. Mikilvægt er að ekki þurfi að tæta flagið í vor, því oftast eru maí og júní svo þurrir að nýtætt stykki þorna mjög eftir stiklingastungu með tilheyrandi afföllum. Að sama skapi ættu þeir, sem vilja setja í skjóbelti á árinu 2010 hvattir til að undirbúa þau skjólbelti með plægingu, breiðslu búfjáraburðar og tætingu á þessu sumri. Þar sem þörf er á íbótum í fyrri skjólbelti, er nauðsynlegt að bæta inní strax í vor eða í sumar. Biðjum við skjólbeltaræktendur að áætla, hve mikið þeir muni þurfa til  íbóta og láta okkur vita um það og fyrirhugaðar nýframkvæmdir eigi síðar en 1. mars að þessu sinni.

Virðingarfyllst, fh. Vesturlandsskóga, Hvanneyri 29. janúar 2009
Sigvaldi Ásgeirsson

Úttekt á árangri gróðursetningar – mat á kolefnisbindingu

Arnór Snorrason, skógfræðingur og félagar hans á Mógilsá hafa á undanförnum árum talið lifandi plöntur í tilviljanavöldum mælireitum í misjafnlega gömlum gróðursetningum og metið ástand þeirra og stærð. Þetta er að hluta til liður í mati á árangri skógræktarstarfsins, en fyrst og fremst liður í að meta kolefnisbindingu vegna skógræktar. Til að forðast skekkjur í matinu, er það meðvituð stefna þeirra félaga að láta bændur og aðra landeigendur helst ekki vita, hvar þeir mæla í landi þeirra, enda gæti þá hugsanlega verið freistandi fyrir bændur að hygla plöntunum í mælireitnum umfram aðrar plöntur á skógræktarsvæðinu. Á þetta er minnst hér, til að árétta, að þessi “leynd” stafar ekki af því, að matsmennirnir beri skerta virðingu fyrir bændunum, eða séu að fremja verk, sem að öðru leyti þoli ekki dagsins ljós. Við hjá Vesturlandsskógum beinum því til bænda að misskilja ekki “leyndina” og áréttum, að matsmennirnir bera fulla virðingu fyrir ábyrgðarmönnum viðkomandi skógræktarlands. Þeir eru svo sannarlega í miklu saklausari erindagjörðum en þeir, sem stundum koma án þess að tilkynna sig og hefja að mæla fyrir háspennumöstrum eða jafnvel vegagerð í löndum bænda.

4. júlí 2008

Við minnum á.....

Framkvæmdaskráning vegna vorgróðursetningar þarf að vera komin inn á borð Vesturlandsskóga fyrir 15. júlí, ef bóndi vill fá uppgjör á fyrri helmingi vsk árs.
S.J.B.

20.06. 2008

Skógardagur FsV

Mjög vel tókst að halda upp á 10 ára afmæli Félags skógarbænda á Vesturlandi á síðasta ári svo ákveðið hefur verið að afmælisdagurinn, 23. júní, verði árlegur skógardagur hjá FsV. Mánudaginn,  23. júní kl 18 ætla Þórarinn og Hjördís á Tungufelli í Lundareykjadal að bjóða í skógræktina til sín. Eina sem þarf að hafa meðferðis er góða skapið og klæðnaður við hæfi.  
S.J.B.

12.06. 2008

02.06.2008

Fréttir af plöntum

Í lok þessarar viku má vænta þess að allar plöntur, ætlaðar til vorgróðursetningar verði komnar á allar dreifingarstöðvar.
S.J.B.

21.05. 2008

Plönturnar verða að koma á dreifingarstöðvar næstu daga og vikur

Skógarbændur eru beðnir að fylgjast með stöðunni á dreifingarstöðvunum og láta vita áður en þeir  sækja plöntur.

Símanúmer í dreifingarstöðvunum eru sem hér segir:
Snæfellsnes: Lágafell, Þórður: 435-6639 og 897-6639;
Dalir: Sauðafell, Kristín og Hörður: 434-1232;
Borgarfjörður og Mýrar: Reitur, Dagur: 862-1502
Svæði sunnan Skarðsheiðar: Litla Fellsöxl, Oddur: 433-8766 og 898-1244.
S.J.B.

07.03. 2008

Vel heppnuð afmælishátíð FsV.

Félag skógarbænda á Vesturlandi hélt upp á 10 ára afmæli sitt 23. júní s.l.  Félagsmenn og gestir hittust á Hreðavatni kl. 14:00 í blíðskapar veðri.  Birgir Hauksson skógarvörður á Vesturlandi tók á móti okkur og sagði frá staðnum og starfsemi Skógræktar ríkisins þar.  Síðan hélt hópurinn, 30-40 manns,  léttur í spori og lund  í gönguferð um Jafnaskarðsskóg undir leiðsögn Birgis.  Skógurinn og landslagið á þessum fallega stað skartaði sínu fegursta.  Gönguferðin var bæði skemmtileg og fræðandi,  þar sem Birgir fræddi okkur um skóginn, landslagið og  líf og starf fólks  á Hreðavatni og nágrenni fyrr og nú.  Áð var í skógarlundi, þar sem hitað var ketilkaffi í forláta katli sem FsV fékk  eitt sinn að gjöf  frá Félagi skógarbænda á Suðurlandi.  Aðrar veitingar voru  í boði MS í Búðardal, Skógræktar ríkisins og FsV.    Þegar komið var aftur heim að Hreðavatni var kynt upp í kolunum og grillað.  Borðaði  hópurinn undir berum himni dýrindis grillmat með fjölbreyttu meðlæti.  Fullorðnir áttu ánægjulega samverustund og börnin léku sér í skóginum.  Segja má að afmælishátíðin hafi tekist vel og þátttakendur voru ánægðir með samveruna, sem eflir samheldni og kynni meðal félagsmanna.  Við þökkum fyrir samveruna á afmælisdaginn og Birgi fyrir góðar móttökur og að mega njóta þeirrar aðstöðu og fegurðar sem Hreðavatni hefur upp á að bjóða.

Stjórn FsV.

20.06. 2007

Fjölskyldudagur í tilefni 10 ára afmælis FsV

Félag skógarbænda á Vesturlandi var stofnað á Valfelli 23. júní 1997 og er því 10 ára laugardaginn 23. júní n.k.

Í tilefni dagsins verður haldinn fjölskyldudagur í skóginum á Hreðavatni.

Dagskrá:

1.   Mæting kl. 14:00 við gamla íbúðarhúsið á Hreðavatni, aðsetur Skógræktar ríkisins.  Farið verður í gönguferð um Jafnaskarðsskóg.

2.   Að lokinni gönguferð verður grillað og kveikt í kolunum kl. 17:00.  Fólk komi sjálft með mat á grillið en meðlæti verður á staðnum í boði FsV.

Félagar í FsV mætið að Hreðavatni laugardaginn 23. júní, takið með ykkur gesti og eigum saman ánægjulegan dag í skóginum.

                                                                    Stjórn FsV

3

__________________________________________________________________________________________________

5.12. 2006

Skógarbókin komin út!

Þann 8. desember kemur úr Skógarbók grænni skóga. Bókin er 256 blaðsíður og öll litprentuð. Hún er hugsuð sem kennslubók og almenn handbók um fjölmarga þætti skógræktar á Íslandi. Er henni ætlað að bæta úr brýnni þörf fyrir slíkt námsefni. Landbúnaðarháskóli Íslands gefur bókina út í samvinnu við Skógrækt ríkisins, Landgræðslu ríkisins og landshlutabundnu skógræktarverkefnin. Hægt að panta bókina á heimasíðu skólans  hér  og kostar hún 4000 krónur. Skógarbókin er tilvalin jólagjöf til fagfólks og  áhugafólks um skógrækt.
S.J.B.

24.11.2006

Grænni skógar
Nú í haust hafa verið haldin þrjú námskeið í námskeiðaröðinni Grænni skógar sem hópur þátttakenda í Vesturlandskógum eru í. Það voru námskeiðin: Framleiðsla og gróðursetning skógarplantna, skógarumhirða og nú síðast tálgað í tré sem var valnámskeið. Hér má sjá nokkrar myndir frá síðasta námskeiði en leiðbeinendur voru Guðmundur Magnússon og Ólafur Oddsson.
S.J.B.

Fréttabréf Félags skógarbænda á Vesturlandi, 1 tbl. 2006, er komið út
meira

20.03.2006.

Daganna 10. og 11. mars var 4. námskeiðið  hjá Vesturlandsskógum í námskeiðaröðinni Grænni skógum. Alls mættu 28 á námskeiðið,  en 33 eru skráðir í Grænni skóga á Vesturlandi.  Í þetta sinn var fjallað um skógarhönnun og landnýtingu. Leiðbeinendur voru skógfræðingarnir Sigvaldi Ásgeirsson og Friðrik Aspelund og Kolbrún Þóra Oddsdóttir landlagsarkitekt. Farið var í vettvangsferð í Skorradal, þar sem skoðað var hvernig til hefur tekist með hönnun skóga í Skorradal.
GS

17.01.05
Áætlanir um framkvæmdir á þessu ári.
Frestur til að láta vita af áformaðri skjólbeltarækt á næsta vori, sem var til 15. janúar, hefur verið framlengdur til 1. febrúar. Þeir sem hyggjast gróðursetja skógarplöntur á þessu ári, þurfa að láta starfsmenn Vesturlandsskóga vita eigi síðar en 1. mars nk. Menn geta látið vita af áformum sínum í tölvupósti, venjulegum pósti eða í síma.
GS

17.01.06
Sigurður Freyr hættur hjá Vesturlandsskógum
Sigurður Freyr Guðbrandsson hætti störfum hjá Vesturlandsskógum um áramótin. Vesturlandsskógar vilja þakka Sigurði ötulsemi hans þann tíma, sem við nutum starfskrafta hans. Samstarfsmenn senda Sigurði sínar bestu kveðjur á þessum tímamótum og þakka honum samfylgdina.
GS

19.12.05
Fréttabréf Félags skógarbænda á Vesturlandi, 4. tbl. 2005.
meira

Myndir af Grænni skóga námskeiðinum
sjá myndir

28.11.05
Grænni skógar á Vesturlandi.

Þátttakendur ásamt leiðbeinendum á fyrsta  Grænni skóga námskeiðinu á Vesturlandi.
(mynd MHH)
Fyrsta námskeiðið í skógræktarnáminu Grænni skógum á Vesturlandi var haldið á Hvanneyri daganna 25. og 26. nóvember sl.
Alls hafa 27 skráð sig til þátttöku á námskeiðin en 22 mættu á fyrsta námskeiðið, sem var yfirlitsnámskeið. Þar var farið í kynningu á skipulagningu bújarða sem skógrækt og skjólbelti eru hluti af landnýtingu jarðarinnar. Leiðbeinendur á námskeiðinu voru starfsmenn Vesturlandsskóga ásamt Friðriki Aspelund.
Að loknu námskeiði var farið í skógargöngu um Stallaskóg í landi Efri- Hrepps og skógurinn skoðaður í fylgd Guðmundar Þorsteinssonar og Jóhannesar Guðjónssonar í Efri Hrepp.
Næsta námskeið verður á Hvanneyri 9. of 10. desember, um trjátegundir, þar sem Aðalsteinn Sigurgeirsson á Mógilsá verður leiðbeinandi.
GS

4.11.05
Fréttabréf Félags skógarbænda á Vesturlandi, 3 tbl. 2005, er komið út.
Meira

 

Sveppanámskeið á Hvanneyri
Þann 15. ágúst sl. var námskeið á vegum Vesturlandsskóga. Bóklegi hluti námskeiðsins fór fram á Hvanneyri en síðan var farið í Skorradal og sveppir týndir þar. Leiðbeinandi var Guðríður Gyða Eyjólfsdóttir, sveppafræðingur. Þátttakendur sem voru 15 söfnuðu mikið af sveppum sem síðan voru flokkaðir. Á meðfylgjandi myndum má sjá þátttakendur ásamt leiðbeinanda. 

Skógræktarnámskeið
Í vor voru haldin tvö námskeið, á Hvanneyri, á vegum Vesturlandsskóga. Námskeiðin voru vel sótt.Grunnnámskeið í skógrækt  var 22. apríl og sóttu það 22 og þann 29. apríl var skjólbeltanámskeið en það sóttu 16. Leiðbeinendur voru starfsmenn Vesturlandsskóga og Friðrik Aspelund.

Friðrik leiðbeinir um notkun á geyspu.                         Þátttakendur á fullu að gróðursetja.                 

Þátttakendur og leiðbeinendur á grunnnámskeiði í skógrækt.

 Þátttakendur ásamt leiðbeinendum á skjólbeltanámskeiði

G.S.