Helstu dagskrárliðir fundarins eru:
Hulda Guðmundsdóttir, skógarbóndi á Fitjum í Skorradal, og Sigvaldi Ásgeirsson, framkvæmdastjóri Vesturlandsskóga, segja frá ferð til Hörðalands, sem farin var í boði
Fylkismannsins í Hörðalandi.

Framkvæmdastjóri  Vesturlandsskóga segir frá  Vesturlandsskógum.

Björn B. Jónsson starfsmaður LSE, Landssamtaka skógareigenda, kemur á fundinn og fræðir  okkur m.a. um  jólatrjáarækt á ökrum. Til stendur að mynda
hóp jólatrjáaræktenda á Vesturlandi í vor og eru áhugasamir hvattir til að mæta
á fundinn og kynna sér málið.

• Kosningar: Í aðalstjórn eru 3 menn, formaður, ritari og gjaldkeri, kjörnir til þriggja ára. Því þarf að kjósa 1 stjórnarmann ár hvert, nú í ár er kosið um stjórnarsæti Hraundísar sem gefur ekki kost á sér áfram  í stjórn .
  Varamenn í stjórn og skoðunarmenn reikninga eru kosnir til eins árs í
  senn.  Stjórnin skiptir með sér verkum að loknum aðalfundi.   Félagsmenn sem áhuga hafa á að starfa í stjórn félagsins eru hér með hvattir til að nýta sér það tækifæri og geta gefið sig fram við stjórn fyrir eða á fundinum.

Auk þessa eru á dagskrá venjuleg aðalfundarstörf, súpa og kaffi.

Nýjir félagar velkomnir.

Mætum öll og eflum með því félagsstarfið.

Bergþóra Jónsdóttir, formaður  Guðmundur Sigurðsson, gjaldkeri og Hraundís
Guðmundsdóttir, ritari

Fagráðstefna skógræktar 2012 verður haldin dagana 27.-29. mars n.k. á Húsavík. Þema ráðstefnunnar er tegundir, kvæmi og klónar í íslenskri skógrækt.

Meðal efnis sem þegar liggur fyrir eru erindi um kvæmaval stafafuru, fjallaþins, skógarfuru og sitkagrenis byggt á nýjum mælingum á misjafnlega gömlum kvæmatilraunum. Flutt verður erindi um kynbætur á alaskaösp og skoðuð almenn reynsla af notkun elris á Íslandi. Skráningarfrestur á ráðstefnuna er  til 1. mars.

Nánari upplýsingar má nálgast á vefsíðu ráðstefnunnar (hér).

Klikkið á myndirnar til að fá þær stærri.

Dropar á birkikvisti

Nefnd, sem umhverfisráðherra skipaði á vordögum  til að semja greinargerð um inntak og áherslur nýrra skógræktarlaga boðar til málstofu til að kalla eftir sjónarmiðum og ábendingum varðandi vinnu nefndarinnar. Þar mun formaður nefndarinnar, Valgerður Jónsdóttir hafa framsögu og síðan verða opnar umræður.       

Tilgangur málstofanna er að fá ábendingar og tillögur sem nýst geta við áframhaldandi vinnu. Boðað er til tveggja málstofa, á Egilsstöðum og í Reykjavík. Málstofurnar eru öllum opnar og hvetur nefndin alla þá sem láta sig málefni skógræktar varða að taka þátt.

Haldnar verða tvær málstofur á eftirfarandi stöðum:

• Hótel Héraði, Egilsstöðum, mánudaginn 7. nóvember kl. 13:00 – 15:00
• Þjóðminjasafnið í Reykjavík, þriðjudaginn 8. nóvember kl. 14:00 – 16:00

 22. október n.k. verður haldin ráðstefna í Kaldalóni í Hörpu, undir yfirskriftinni “Heimsins græna gull”. Ráðstefnan er haldin á Ári skóga Sameinuðu þjóðanna 2011. Erlendir fyrirlesarar eru allir þekktir innan skógargeirans á Evrópuvísu og heimsvísu.  Þetta er því ráðastefna sem fátt áhugafólk um skógrækt mun láta fram hjá sér fara.

ATH. Þeir sem vilja geta hlustað á fyrirlestra á íslensku á ráðstefnunni.

Rástefnugjaldið er vel niðurgreitt og er einungis 7.000.- (matur innifalinn)

Skráning á ráðstefnuna fer fram: http://www.skogur.is/rannsoknir-og-verkefni/radstefnur/radstefnur-arid-2011/heimsins-graena-gull

Dagskrá ráðstefnunnar hér að neðan

 Heimssins græna gull pdf

Föstudaginn 23. sept byrjaði  námskeiðaröðin  Grænni skógar 1 en það er í þriðja skipti sem farið er á stað með námskeiðaröðina hér á Vesturlandi.  Í þetta sinn eru þátttakendur frá vesturlandi, suðurlandi og vestfjörðum.  Í haust lýkur annari námskeiðaröðinni þar sem  þátttakendur eru af vestur- og suðurlandi. Þessi námskeiða röð samanstendur af fjölbreyttum námskeiðum í skógrækt og nær yfir sex annir í þrjú ár. Námskeiðin eru á vegum Endurmenntunadeild Landbúnaðarháskóla Íslands í samvinnu við landshlutaverkefnin í  skógrækt. Verkefnastjóri  er Björgvin Örn Eggertsson Lbhí.

Á myndinni eru þátttakendur á námskeiðinu ásamt leiðbeinenda sem var Friðrik Asperlund í þetta sinn.

Aðalfundur LSE verður  haldinn  að Eiðum dagana 7.-8. október.

Áhugi er hjá Félagi skógarbænda á Vesturlandi  að félagar fari saman með rútu ef næg þátttaka næst. Áætlað að leggja af stað á fimmtudeginum 6. okt.    Þeir sem hafa áhuga á að fara hafi samband við Bergþóru í síma 866 4175 , netfang hrutstadir@simnet.is eða Guðmund í síma 862 6361,  netfang gudmundur@vestskogar.is

Fjórtándi aðalfundur Landssamtaka skógareigenda

haldinn að Eiðum dagana 7. og 8. október 2011

Dagskrá fundarins:

Föstudagur 7. október

Kl. 13:00         Nytjaskógrækt  – ráðstefna LSE

Kl. 17:00         Aðalfundur LSE  settur að Eiðum

Kl. 17:05         Kosnir starfsmenn fundarins.

Kl. 17:10    Skýrsla stjórnar.

Kl. 17:40    Ávörp gesta

Kl. 18:10         Umræða um skýrslu stjórnar

Kl. 18:30         Mál lögð fyrir fundinn.

Kl. 18:45         Skipað í nefndir fundarins og málum vísað til nefnda.

Kl. 19:00         Fundi frestað – kvöldmatur.

Kl. 20:00         Aðalfundur jólatrjáaræktenda

Kl. 20:00 til 22:00      Nefndastörf

Kl. 20:00         BARa notalegheit

Laugardagur 8. október

Kl. 08:00         Morgunverður.

Kl. 09:00         Framhald nefndarstarfa.

Kl. 10:00         Framhald aðalfundar – nefndir skila áliti.

Kl. 12:15         Kosningar:

                        Tveir menn í stjórn,

                        þrír menn í varastjórn,

                        tveir skoðunarmenn.

Kl. 12:30         Önnur mál.

Kl. 13:00         Fundarlok.

Kl. 13:00         Hádegismatur.

Kl. 14:00         Ferð í skóg

Kl. 17:30         Komið að Eiðum

Kl. 19:00         Fordrykkur.

Kl. 19:30         Árshátíð skógarbænda og afmælishátíð Héraðs og Austurlandsskóga.

Nánari upplýsingar um aðalfundinn eru veittar á netfanginu bjorn@sudskogur.is

eða breidavad@emax.is